Битумийг анх 100-аад жилийн өмнөөс барилгын vйлдвэрлэлд хэрэглэж иржээ. Битумыг +5 хэмээс +65 хvртэл орчны температурт ашиглаж болдог.

Битумын чанарыг сайжруулах зорилгоор катализатор оролцуулан халуун агаараар нэвт vлээлгэж оксид-битум гарган авсан нь 0 хэмээс +85 хэмийн орчны температурт ашиглаж болхоор болсон байна. Химийн vйлдвэрлэл хөгжихийн хэрээр сайн чанарын битумийг бий болгох боломж гарч 1960-аад оноос Италид АПП (Атактик-полипролин), Голландад СБС (стирол-бутадиен-стирол) чанарын сайжруулалттай битумийг улам боловсронгуй болгож эхэлсэн байна.

АПП битумийг -25-аас +150, СБС битумийг -30-аас +120 хэмийн орчны температурт ашиглаж болдог. Иймд АПП битумыг дулаан уур амьсгалтай улс орнуудад, СБС-ийг хvйтэвтэр уур амьсгалтай, хойд зvгийн орнуудад өргөнөөр ашиглаж иржээ.

Европын vйлдвэрvvдэд эдгээр хоёр төрлийн битумийн сайн талыг нь авч ашиглан шинэ нэр төрлийн бvтээгдэхvvнvvдийг гаргаж байна. AПП, СБС хоёрыг хооронд нь хольж болдоггvй боловч дунд нь жийргэвч давхаргыг ашиглан хэрэглэж болдог.

Чанарын сайжруулалттай битумыг хэрэглэх болсноор тусгаарлах чанарын найдвартай байдлыг илvv хангаж, эдэлгээний хугацаа эрс уртасчээ.

АПП чанарын сайжруулалттай хуйлмал битум нь хэт ягаан туяанд (UV) тэсвэртэй учир энэ туяанаас хамгаалах тусгай гадаргуу хийх шаардлагагvй.

Тасралтгvй vргэлжилсэн полиэстэр мяндас нэхмэлтэй учир сунах чадвараараа сайн, ердийн хуйлмал битумаас ачааллыг даах чадвар нь хэд дахин илvv байдаг. +150 дээш хэмд зөөлрөх чанартай, хэт халсан тохиолдолд зөөлөрч урсах тохиолдол гардаггvй учир босоо гадаргуу хананд хэрэглэж болдог. Иймд энэ төрлийн чанарын сайжруулалттай битумийг байр сууц, албан газрын барилгад өргөнөөр ашигладаг. АПП битумийн бас нэг сайн тал нь уур гадагшлуулах чадвартай тул дээврийн засварт ашиглахад маш тохиромжтой.

СБС битум нь уян хатан чанараа хvйтэн нөхцөлд ч хадгалж чаддаг учир монолит-төмөр-бетон арматур болон газар доорхи барилга байгууламжид тусгаарлагч хийхэд нэн тохиромжтой.

СБС-ийн маш уян хатан, хагарал vзvvлдэггvй, АПП-ийн хэт ягаан туяанд тэсвэртэй, механик эсэргvvцэл даах чанарыг нь хослуулан хоршмол битум бvтээгдэхvvнvvдийг vйлдвэрлэж эхлэж байна. Байнгын их хөдөлгөөн, чичиргээтэй болон даац авах газар, vйлдвэрийн барилгын дээврийг хийхэд их тохиромжтой. Энэ хоршмол бvтээгдэхvvнvvдийг төмөр бетон, ган гvvр болон бороо, цас, хөрсний уснаас хамгаалах зорилгоор тунелийн байгууламжид хэрэглэдэг.

Өндөр орой бvхий барилгуудын дээврийг олон төрлийн өнгө, дvрс хэлбэртэйгээр чанарын сайжруулсан битумээр хийж болдог. Тухайлбал, вааран дээврийн хээ дуурайлгаж хийсэн хавтангаас цэргийн байгууламжийг далдлах өнгө бvхий хавтанг хvртэл гаргаж болно.

Энэ материал нь байгал орчинд сөрөг нөлөөгvй бөгөөд дээврийг хучих ажлын явцад утаа, тортог гарах, шатаах зэрэг орчны бохирдол гардаггvй. Иймээс дэлхийн байгал орчинд сөрөг нөлөөгvй бvтээгдэхvvнээр шалгарчээ.

 

INDEX-ийг юунд ашиглаж болох вэ?
Index-р зөвхөн барилгын дээвэр бүрэх биш, түүнийг барилгын салбарын бараг бүх хүрээнд ашиглаж болох шилдэг технологийг та бүхэнд санал болгож байна. Доорхи зургууд нь тус материалыг хэрхэн, юунд хэрэглэж болохыг харуулж байна.